ഭൂമിയുടെ സംരക്ഷണത്തിനായി പണം മുടക്കൂ; ശതകോടീശ്വരന്മാര്ക്കെതിരെ വില്യം രാജകുമാരന്
ലോകത്തിലെ തന്നെ ഏറ്റവും മഹത്തായ ചില ആളുകളുടെ ബുദ്ധിയും മനസും ഭൂമിയിലെ നിരവധി സംരക്ഷണ ജോലികള്ക്ക് ആവശ്യമാണ്, അല്ലാതെ ഭൂമി അല്ലാതെ ജീവിക്കാന് മറ്റിടങ്ങള് തേടിപ്പോവുന്ന പ്രവണത ശരിയല്ലെന്നും വില്യം
ജെഫ് ബെസോസിന്റെ ബഹിരാകാശ സഞ്ചാര കമ്പനിയായ ബ്ലൂ ഒറിജിനില് ബുധനാഴ്ചയാണ് 90 വയസുകാരനായ വില്യം ഷാന്റര് ബഹിരാകാശത്ത് പോയി വന്നത്. കോടീശ്വരന്മാരായ ഇലോണ് മസ്ക്, റിച്ചാര്ഡ് ബ്രാന്സണും സ്വന്തമായി ബഹിരാകാശ വിനോദ സഞ്ചാര സാധ്യതകള് തേടുന്നതിനിടയിലാണ് വില്യം രാജകുമാരന്റെ പരാമര്ശത്തിന്റെ പ്രസക്തി. അത്രയും ഉയരത്തിലേക്ക് പോകാന് തനിക്ക് അല്പം പോലും താല്പര്യമില്ലെന്നാണ് ഹെലികോപ്റ്റര് പൈലറ്റ് കൂടിയായ വില്യമിന് ബഹിരാകാശത്തേക്ക് പോവാന് ആഗ്രഹമുണ്ടോയെന്ന ചോദ്യത്തിനുള്ള മറുപടി.
കാലാവസ്ഥാ വ്യതിയാനം മൂലമുണ്ടാകുന്ന മാറ്റങ്ങള്ക്ക് ഇനിയെങ്കിലും ശ്രദ്ധ നല്കണമെന്നാണ് വില്യം രാജകുമാരന്റെ വിലയിരുത്തല്. ഭീഷണി നേരിടുന്ന ഭാവിയിലേക്കാണ് പുതിയ തലമുറ വളര്ന്നുവരുന്നതെന്ന മുന്നറിയിപ്പും നല്കാന് വില്യം മടിക്കുന്നില്ല.
Comments
Post a Comment