ഓക്സിജന്റെ അളവ് കുറയും, ഭൂമിയിൽ ജീവനുകളില്ലാതെയാവും?

-
By Web TeamFirst 

ഭൂമി ഇല്ലാതാക്കുന്നതിന് ഇനി കുറച്ച് ബില്യൺ വർഷങ്ങൾ മാത്രമേയുള്ളൂവെന്ന് അതിൽ പറയുന്നു. തീ, കൂട്ടിയിടി, അന്യഗ്രഹ ആക്രമണം എന്നിവയൊന്നുമല്ല വില്ലൻ, ഓക്സിജൻ കുറയുന്നതാണെന്നും പഠനത്തിൽ പറയുന്നു.  

earth losing oxygen
ഭൂമിയിൽ(Earth) ജീവൻ നിലനിൽക്കാൻ ഓക്സിജൻ(Oxygen ) അത്യാവശ്യമാണെന്ന് നമുക്കറിയാം. എന്നാൽ, ഓക്സിജന്റെ അളവ് ഭൂമിയിൽ കുറഞ്ഞുവരികയാണെന്നത് വലിയ ഒരു ആശങ്കയാണ്. കാലാവസ്ഥാ വ്യതിയാനമാണ് ഭൂമിയിൽ ഓക്സിജൻ കുറഞ്ഞുവരാനുള്ള ഒരു പ്രധാന കാരണം. മാത്രവുമല്ല, ഇങ്ങനെ പോയാൽ ഓക്സിജൻ പൂർണമായും ഇല്ലാതാകുമെന്നും ശാസ്ത്രജ്ഞർ ഒരു പഠനത്തിൽ പറയുന്നു.    

ഒരു കാലത്ത് നമ്മുടെ ഭൂമി വെറും തരിശായിരുന്നു. ഓക്സിജൻ ഇല്ലാത്ത, മീഥെയ്ൻ സമ്പുഷ്ടമായിരുന്നു ഇവിടം. അന്ന് കാലത്ത് ഭൂമിയിൽ ഉണ്ടായിരുന്ന സയനോബാക്ടീരിയ പോലുള്ള സൂക്ഷ്മജീവികൾക്ക് നിലനിൽക്കാൻ ഓക്സിജൻ ആവശ്യമില്ലായിരുന്നു. അതിനാൽ അവ അവയുടെ ദൈനംദിന പ്രവൃത്തികളുടെ ഭാഗമായി ഉല്പാദിപ്പിച്ചിരുന്ന ഓക്സിജനെ പുറത്ത് വിടുകയാണ് ചെയ്തിരുന്നത്. ഏകദേശം 2.3 ബില്യൺ വർഷങ്ങൾക്ക് മുമ്പ് സംഭവിച്ച "ഗ്രേറ്റ് ഓക്സിഡേഷൻ ഇവന്റ്" ആണ് ഭൂമിയിൽ ഇന്ന് കാണുന്ന രീതിയിലുള്ള ജൈവ മാറ്റത്തിന് കാരണമായത്. ഇതോടെ ഓക്സിജൻ വേണ്ടാത്ത സൂക്ഷ്മജീവികൾ ഇല്ലാതാവുകയും, ഓക്സിജൻ സ്വീകരിക്കുന്ന സൂക്ഷ്മജീവികൾ വർദ്ധിക്കുകയും ചെയ്തു. ക്രമേണ പരിണാമം സംഭവിച്ച് ഇന്ന് കാണുന്ന തരത്തിൽ ജീവൻ രൂപാന്തരപ്പെടുകയായിരുന്നു.


ഇപ്പോൾ ആഗോളതാപനം മൂലം ഭൂമിയിലെ ഓക്സിജന്റെ അളവ് കുറയുന്നത് വലിയ ആശങ്കയ്ക്ക് ഇടനൽകുന്നു. നിലവിൽ, ഭൂമിയുടെ അന്തരീക്ഷത്തിന്റെ 20 ശതമാനവും ഓക്സിജനാണ്. ഗ്രഹത്തിലെ സസ്യങ്ങൾ ധാരാളം ഓക്സിജൻ ഉത്പാദിപ്പിക്കുന്നു. ഇത് എല്ലാ ജീവികളെയും ശ്വസിക്കാൻ സഹായിക്കുന്നു. എന്നാൽ, ഭാവിയിൽ ഭൂമിയിലെ ചില അപകടകരമായ സ്ഥലങ്ങളിൽ ഓക്സിജന്റെ അളവ് കുറയുമെന്ന് ശാസ്ത്രജ്ഞർ പ്രവചിക്കുന്നു. ഓക്സിജൻ ഉണ്ടാകുന്നതിന് മുൻപുള്ള അവസ്ഥയിലേക്ക് ഗ്രഹം വീണ്ടും എത്തിച്ചേരുമെന്ന് പറയപ്പെടുന്നു. തുടർന്ന്, ഭൂമിയിൽ ഓക്സിജന് പകരം ഉയർന്ന അളവിൽ മീഥെയ്നായിരിക്കും ഉണ്ടാവുക. ദ ഫ്യൂച്ചർ ലൈഫ്‍സ്പാൻ ഓഫ് എർത്ത്സ് ഓക്സിജനേറ്റഡ് അറ്റ്‍മോസ്ഫിയർ (The future lifespan of Earth’s oxygenated atmosphere) എന്ന നേച്ചർ ജിയോസയൻസ് ജേണലിൽ പ്രസിദ്ധീകരിച്ച പഠനത്തിലാണ് ഇക്കാര്യം പറഞ്ഞിട്ടുള്ളത്. സമീപഭാവിയിൽ അത് സംഭവിച്ചില്ലെങ്കിലും, മാറ്റം വരുമ്പോൾ, അത് വളരെ വേഗത്തിൽ സംഭവിക്കുമെന്ന് പഠനത്തിൽ വിശദീകരിക്കുന്നു.

ഭൂമി ഇല്ലാതാക്കുന്നതിന് ഇനി കുറച്ച് ബില്യൺ വർഷങ്ങൾ മാത്രമേയുള്ളൂവെന്ന് അതിൽ പറയുന്നു. തീ, കൂട്ടിയിടി, അന്യഗ്രഹ ആക്രമണം എന്നിവയൊന്നുമല്ല വില്ലൻ, ഓക്സിജൻ കുറയുന്നതാണെന്നും പഠനത്തിൽ പറയുന്നു.  വാസയോഗ്യമായ ഒരു ഗ്രഹത്തിലും അന്തരീക്ഷ ഓക്സിജൻ എന്നന്നേക്കുമായി നിലനിൽക്കില്ലെന്നും, ഒടുവിൽ അത് അപ്രത്യക്ഷമാവുക തന്നെ ചെയ്യുമെന്നും ശാസ്ത്രജ്ഞർ പഠനത്തിൽ അവകാശപ്പെട്ടു. ഇതിന് ശേഷം ഗ്രഹത്തിലെ ഉപരിതല ജലവും നഷ്ടമാകും. സൂര്യനിൽ നിന്നുള്ള റേഡിയേഷൻ മൂലം സമുദ്രങ്ങളും 2 ബില്യൺ വർഷങ്ങൾക്ക് ശേഷം അപ്രത്യക്ഷമാകുമെന്ന് പ്രതീക്ഷിക്കുന്നു. എന്നാൽ ഓക്സിജന്റെ അളവ് കുറയുന്നതുമൂലം, ഇത് സംഭവിക്കുന്നതിനുമുമ്പ് തന്നെ ജീവൻ അപ്രത്യക്ഷമാവും. ഭൂമിയിൽ നിന്ന് മറ്റ് ഗ്രഹങ്ങളിലേക്ക് കുടിയേറാൻ പുതിയ വഴികൾ ശാസ്ത്രജ്ഞർ തേടുന്നത് ഒരുപക്ഷേ വെറുതെയായിരിക്കില്ല.  


Comments

Post a Comment

Popular posts from this blog

വൈവിധ്യപൂര്ണമായ വാഴയിനങ്ങൾ കൊണ്ട് സമ്പുഷ്ടമാണ് ഇന്ത്യ. ഓരോ ദേശത്തിനും കാലാവസ്ഥയ്ക്കും മണ്ണിനും യോജിച്ച ഇനങ്ങൾ നമുക്കുണ്ട്. അവയിൽ ഭൗമ സൂചികാ പദവി കരഗതമായ അഞ്ചിനം വാഴകളെ കുറിച്ചാണ് ഈ ലേഖനം

-
Image
ഭാരതത്തിലെ ഭൗമ സൂചികാങ്കിത വാഴപ്പഴങ്ങൾ.   ലോകത്ത് ഏറ്റവും കൂടുതൽ വാഴപ്പഴം ഉൽപ്പാദിപ്പിക്കുന്നത് മറ്റാരുമല്ല, നമ്മൾ തന്നെ. 30 ദശലക്ഷം ടൺ. രണ്ടാം സ്ഥാനത്തുള്ള ചൈനയൊക്കെ ബഹുദൂരം പിന്നിൽ ആണ്.  ഏഷ്യ, ആഫ്രിക്ക, ലാറ്റിൻ അമേരിക്ക എന്നീ വന്കരകളിൽ ആണ് വാഴകൃഷി കേന്ദ്രീകരിച്ചിരിക്കുന്നത്.  വൈവിധ്യപൂര്ണമായ വാഴയിനങ്ങൾ കൊണ്ട് സമ്പുഷ്ടമാണ് ഇന്ത്യ. ഓരോ ദേശത്തിനും കാലാവസ്ഥയ്ക്കും മണ്ണിനും യോജിച്ച ഇനങ്ങൾ നമുക്കുണ്ട്. അവയിൽ ഭൗമ സൂചികാ പദവി കരഗതമായ അഞ്ചിനം വാഴകളെ കുറിച്ചാണ് ഈ ലേഖനം  1.ചങ്ങാലിക്കോടൻ  കൈരളിയുടെ സ്വന്തം കാഴ്ചക്കുല. മച്ചാട് മലയിൽ നിന്നുത്ഭവിക്കുന്ന വടക്കാഞ്ചേരി പുഴയുടെ എക്കൽ അടിഞ്ഞ തലപ്പിള്ളി താലൂക്കിന്റെ ഭാഗങ്ങളായ ചെങ്ങഴിക്കോട്, മുണ്ടത്തിക്കോട്, കോട്ടപ്പുറം, വേലൂർ, പൂത്തുരുത്തി, എരുമപ്പെട്ടി, നെല്ലുവായ്, കരിയന്നൂർ, കടങ്ങോട് എന്നീ പ്രദേശങ്ങളിൽ പാരമ്പരാഗതമായി കൃഷി ചെയ്തു വരുന്ന നേന്ത്രൻ ഇനം. ഉരുണ്ട് ഏണുകളില്ലാത്ത നീണ്ട മഞ്ഞയിൽ ചുവപ്പ് രാശിയുള്ള കായ്കൾ. ജൈവ രീതിയോട് ആഭിമുഖ്യം പുലർത്തുന്നു. പടലകൾ വിരിഞ്ഞു കഴിഞ്ഞാലും കൂമ്പ് ( കുടപ്പൻ) ഒടിച്ചു കളയാതെ നിർത്തുന്നു....
Read more

ജെറുസലേമിൽ നിന്ന് അപൂർവ രത്നം; കണ്ടെത്തിയത് ബൈബിളിൽ പ്രതിപാദിച്ച മരത്തിന്റെ ചിത്രത്തോടെ!

-
Image
Image Credit: City of David പര്യവേഷണം നടത്തുന്നതിനിടെ ജറുസലേമിൽ നിന്നും കണ്ടെത്തിയത് അപൂർവ വൈഡൂര്യ കല്ല്. കണ്ടെത്തിയ രത്നത്തിന് രണ്ടായിരം വർഷത്തിലേറെ പഴക്കമുണ്ടെന്നാണ് കണക്കാക്കുന്നത്. ബൈബിളിൽ പ്രതിപാദിച്ചിട്ടുള്ള ബാൽസം മരത്തിന്റെ ചിത്രം രത്നത്തിൽ കൊത്തിവച്ചിട്ടുള്ളതായും കണ്ടെത്തി.  സിറ്റി ഓഫ് ഡേവിഡ് ഫൗണ്ടേഷനിലെ വിദഗ്ധരാണ് എമക് സൂരിം നാഷണൽ പാർക്കിൽ നിന്നും ദീർഘവൃത്താകൃതിയിലുള്ള രത്നം കണ്ടെടുത്തത്. രത്നം മോതിരമായി ഉപയോഗിക്കുന്നതിനുവേണ്ടി അതിൽ മെറ്റൽ വയർ കടത്താനാവുന്ന തരത്തിൽ ചെറിയ സുഷിരവും ഇട്ടിട്ടുണ്ട്. എട്ടര സെന്റിമീറ്ററിനടുത്ത് മാത്രമാണ് രത്നത്തിന്റെ വലുപ്പം.  അഞ്ച് പഴങ്ങൾ കായ്ച്ചുനിൽക്കുന്ന ശിഖരത്തിൽ പക്ഷി ഇരിക്കുന്ന തരത്തിലാണ് ചിത്രം കൊത്തിവച്ചിട്ടുള്ളത്. ഈ ചിത്രം തന്നെയാണ് കണ്ടെത്തിയ രത്നത്തെ വേറിട്ടുനിർത്തുന്നത്. കാരണം ലോകത്തിൽ ആദ്യമായാണ് ബൽസം മരത്തിന്റെ ചിത്രം എവിടെയെങ്കിലും കൊത്തിവച്ചിട്ടുള്ളതായി കണ്ടെത്തുന്നത്. ഇസ്രയേലിൽ   കണ്ടെത്തിയിട്ടുള്ള പുരാതന വസ്തുക്കളിൽ ഈന്തപ്പനകളുടെയും  ഒലിവ് മരങ്ങളുടെയുമൊക്കെ ചിത്രങ്ങളാണ് സാധാരണയായി ആലേഖനം ചെയ്തിരിക്കുന്നതായി ക...
Read more

ആർക്കും പിടികൊടുക്കാത്ത ‘ജാക്കിച്ചാൻ’; പശ്ചിമഘട്ടത്തിൽ കണ്ടെത്തിയ പുതിയ പല്ലി!

-
Image
Image Credit:zoological research       പശ്ചിമഘട്ടത്തിൽ കഴിഞ്ഞ ദിവസം സർവേ നടത്തുകയായിരുന്നു ബോംബെ നാച്ചുറൽ ഹിസ്റ്ററി സൊസൈറ്റിയിലെ ഗവേഷകർ. അപ്പോഴാണ് അവരുടെ ശ്രദ്ധ ഒരു പുതിയ ഇനം പല്ലിയിൽ ചെന്നു പതിച്ചത്. ഗവേഷകർ പിടിക്കാൻ നോക്കിയപ്പോഴൊക്കെ പല്ലി പാറക്കെട്ടുകളിൽ നിന്നു പാറക്കെട്ടുകളിലേക്ക് ഒരു കരാട്ടെ അഭ്യാസിയുടെ മെയ് വഴക്കത്തോടെ ചാടിമറഞ്ഞു. പിടിക്കാനെത്തിയവർ ഇളിഭ്യരായി. വീണ്ടും പിടികൂടാൻ ശ്രമിക്കവെ ഇതു ചാടി ചെറിയ ദ്വാരങ്ങളിൽ ഒളിച്ച് പിടിയിൽ നിന്നു രക്ഷപ്പെട്ടു. ചൈനീസ് സിനിമാതാരവും ആയോധനകലയിലെ അഗ്രഗണ്യനുമായ ജാക്കിച്ചാനെ അനുസ്മരിപ്പിക്കുന്ന സ്റ്റണ്ടുകൾ നടത്തുന്ന ഈ പല്ലിക്കുട്ടന് ജാക്കിച്ചാന്റെ പേരിൽ തന്നെ ഗവേഷകർ നാമകരണം നടത്തി. നെമാസ്പിസ് ജാക്കി എന്നു ശാസ്ത്രനാമവും ജാക്കീസ് ഡേ ഗെക്കോ എന്നു പൊതുനാമവും. ജാക്കി ഉൾപ്പെടെ 12 പുതിയ ഇനം മലമ്പല്ലികളെയാണ് ഗവേഷകർ പശ്ചിമഘട്ടത്തിൽ നിന്നു കണ്ടെത്തിയത്. ഇതിനെക്കുറിച്ചുള്ള വിവരങ്ങൾ സൂവോളജിക്കൽ റിസർച് എന്ന ജേണലിൽ പ്രസിദ്ധീകരിച്ചു. ഇത്തരത്തിൽ ജനപ്രിയമായ പേരുകൾ പുതുതായി കണ്ടെത്തുന്ന ജന്തുവിഭാഗങ്ങൾക്കു നൽകുന്നത് അവയെക്കുറിച്ചുള്ള അവബോധം കൂട്ടുമെന...
Read more