പെട്രോൾ ബൈക്കുകൾ ഇനി ഈസിയായി ഇവികളാക്കാം; ആദ്യ RTO അംഗീകൃത 2-വീലർ ഇലക്ട്രിക് കൺവെർഷൻ കിറ്റ്

By Manu Kurian

വ്യക്തിഗത മൊബിലിറ്റിയുടെ ഭാവി എന്നത് ഇലക്ട്രിക് വാഹനങ്ങളാണ്. അടുത്തിടെ രാജ്യത്ത്, ധാരാളം പുതിയ ഇലക്ട്രിക് സ്കൂട്ടറുകളുകളും മറ്റും വിപണയിലെത്തുന്നത് നാം കണ്ടു. അതോടൊപ്പം നോർത്ത് വേ മോട്ടോർസ്പോർട്ട് നിർമ്മിച്ച മാരുതി സുസുക്കി ഡിസയറിന്റെ ഒരു ഇലക്ട്രിക് കൺവേർഷൻ കിറ്റും നമ്മൾ പരിചയപ്പെട്ടിരുന്നു.

അതുപോലെ മോട്ടോർസൈക്കിളുകൾക്കുള്ള ആദ്യത്തെ RTO അംഗീകൃത ഇലക്ട്രിക് കൺവെർഷൻ കിറ്റാണ് ഇവിടെ ഞങ്ങൾ ഇവിടെ പരിചയപ്പെടുത്തുന്നത്. GoGoA1 എന്ന ചാനലാണ് വീഡിയോ യൂട്യൂബിൽ അപ്‌ലോഡ് ചെയ്തിരിക്കുന്നത്.

നമ്മുടെ വാഹനത്തിൽ നാം എന്തെങ്കിലും മാറ്റം വരുത്തുകയാണെങ്കിൽ അത് വാഹനത്തിന്റെ രജിസ്ട്രേഷൻ സർട്ടിഫിക്കറ്റിലും നിയമപ്രകാരം മാറ്റം വരുത്തണം എന്നത് എല്ലാവർക്കും അറിയാവുന്ന കാര്യമാണ്. അതിന് ചില മാനദണ്ഡങ്ങളുമുണ്ട്. വീഡിയോയിൽ കാണിക്കുന്ന ഈ കിറ്റ് RTO അംഗീകരിച്ചതാണെന്നും മോട്ടോർ സൈക്കിളിൽ നിയമാനുസൃതമായി ഇൻസ്റ്റോൾ ചെയ്യാമെന്നും ഹോസ്റ്റ് പറയുന്നു.