മൂന്നാറിലേക്ക് എത്തുന്നു, ഹരിത ഇടനാഴി; സഞ്ചാരികൾക്കായി കാത്തിരിപ്പ്

-

മൂന്നാറിലേക്ക് എത്തുന്നു, ഹരിത ഇടനാഴി; സഞ്ചാരികൾക്കായി കാത്തിരിപ്പ്

കടപ്പാട് :
മനോരമ
idukki-munnar-green-tourism
മറയൂരിലെ ഇരച്ചിൽപാറ വെള്ളച്ചാട്ടം
   

വിനോദസഞ്ചാര കേന്ദ്രമായ മൂന്നാറിലേക്ക് ഹരിത ഇടനാഴി യാഥാർഥ്യമാകുന്നു. മൂന്നാറിന്റെ ചുറ്റുപാടുമുള്ള പഞ്ചായത്തുകളെ ഉൾപ്പെടുത്തിയാണ് ഹരിത ടൂറിസം പദ്ധതി നടപ്പാക്കുന്നത്. ജില്ലാ ഭരണകൂടത്തിന്റെ മേൽനോട്ടത്തിൽ ഹരിത കേരള മിഷൻ ആണ് പദ്ധതി ആസൂത്രണം ചെയ്യുന്നത്. ഗ്രാമപ്പഞ്ചായത്തിനാണ് നടത്തിപ്പുചുമതല. മൂന്നാറിലേക്ക് സഞ്ചാരികൾ കടന്ന് വരുന്ന സമീപ പഞ്ചായത്തുകളായ അടിമാലി, പള്ളിവാസൽ, ദേവികുളം, ചിന്നക്കനാൽ, വെള്ളത്തൂവൽ, ശാന്തമ്പാറ, മറയൂർ എന്നിവയാണ് സർക്യൂട്ടിൽ ഉൾപ്പെടുന്ന മറ്റു പഞ്ചായത്തുകൾ. 

വഴിയോര മാലിന്യ നിക്ഷേപം നിയന്ത്രിക്കുക, ടൂറിസം കേന്ദ്രങ്ങളെ പരിസ്ഥിതിസൗഹൃദമാക്കുക, പ്ലാസ്റ്റിക് നിരോധനം ഫലപ്രദമായി നടപ്പാക്കുക തുടങ്ങിയവയാണ് പദ്ധതിയുടെ ലക്ഷ്യങ്ങൾ. ജില്ലാതിർത്തിയായ നേര്യമംഗലം മുതൽ പഞ്ചായത്ത് അതിർത്തികളിൽ ഹരിത ചെക്‌പോസ്റ്റുകൾ സ്ഥാപിച്ച് കുടുംബശ്രീയുടെ സഹകരണത്തോടെ ഹരിതകർമസേനയെ വിന്യസിക്കും. മൂന്നാർ പഞ്ചായത്തിൽ പഴയ മൂന്നാർ ഹെഡ്‌വർക്സ് ഡാമിനു സമീപവും ചട്ടമൂന്നാറിലുമാണു ഹരിത ചെക്‌പോസ്റ്റുകൾ സ്ഥാപിക്കുന്നത്. 

ദേവികുളം പഞ്ചായത്തിന്റെ ചെക്പോസ്റ്റ് ദേശീയപാത 85 ൽ ലോക്‌ഹാർട് ഭാഗത്തായിരിക്കും. വിനോദസഞ്ചാരികൾ എത്തുന്ന വാഹനങ്ങളിൽ നിന്ന് നിശ്ചിത തുക ഈ ചെക്പോസ്റ്റിൽ യൂസർ ഫീസായി ഈടാക്കും. ഈ വാഹനങ്ങളിലുള്ളവർ വഴിയോരങ്ങളിൽ മാലിന്യം തള്ളുന്നുണ്ടോ എന്നു ഹരിത കർമസേന നിരീക്ഷിക്കും. മാലിന്യം തള്ളൽ ശ്രദ്ധയിൽ പെട്ടാൽ അവരിൽ നിന്ന് പിഴ ഈടാക്കും. യൂസർ ഫീസ് എത്രയെന്ന് തീരുമാനമായിട്ടില്ലെന്നു മൂന്നാർ പഞ്ചായത്ത് സെക്രട്ടറി അജിത്കുമാർ അറിയിച്ചു.

വിനോദസഞ്ചാരികളുടെ വാഹനങ്ങളിൽ പ്ലാസ്റ്റിക് ഉൾപ്പെടെയുള്ള മാലിന്യങ്ങൾ ഉണ്ടെങ്കിൽ അവ തരം തിരിച്ച് ഹരിത കർമസേനയ്ക്കു ചെറിയ തുക ഫീസ് നൽകി കൈമാറാം. സംസ്ഥാനത്ത് വാഗമൺ ഉൾപ്പെടുന്ന ഏലപ്പാറ പഞ്ചായത്തിലാണ് പൈലറ്റ് പദ്ധതി എന്ന നിലയിൽ ഹരിത ചെക്പോസ്റ്റ് ആദ്യമായി സ്ഥാപിച്ചത്. ഹരിതകേരള മിഷന്റെ നേതൃത്വത്തിൽ ഗ്രാമപ്പഞ്ചായത്തുകൾ, ശുചിത്വ മിഷൻ, മലിനീകരണ നിയന്ത്രണ ബോർഡ്, കുടുംബശ്രീ, തൊഴിലുറപ്പ് പദ്ധതി എന്നിവയും പദ്ധതിയിൽ പങ്കാളികളാണ്.

യുഎൻഡിപിയുടെ പിന്തുണയും ഇതിനുണ്ടാകും. മൂന്നാറിൽ നടന്ന ആലോചനാ യോഗത്തിൽ സബ്കലക്ടർ എസ്.പ്രേംകൃഷ്ണ, പഞ്ചായത്ത് ഡപ്യൂട്ടി ഡയറക്ടർ കുര്യാക്കോസ്, ശുചിത്വ കേരള മിഷൻ ജില്ലാ കോഓർഡിനേറ്റർ ജി.എസ്.മധു, ക്ലീൻ കേരള പദ്ധതി മാനേജർ ശ്രീജിത്, യുഎൻഡിപി സംസ്ഥാന കോഓർഡിനേറ്റർ അരുൺ രാമചന്ദ്രൻ, മൂന്നാർ പഞ്ചായത്ത് പ്രസിഡന്റ് എം.മണിമൊഴി, വൈസ് പ്രസിഡന്റ് മാർഷ് പീറ്റർ, സെക്രട്ടറി അജിത് കുമാർ തുടങ്ങിയവർ പങ്കെടുത്തു.

Comments

Post a Comment

Popular posts from this blog

വൈവിധ്യപൂര്ണമായ വാഴയിനങ്ങൾ കൊണ്ട് സമ്പുഷ്ടമാണ് ഇന്ത്യ. ഓരോ ദേശത്തിനും കാലാവസ്ഥയ്ക്കും മണ്ണിനും യോജിച്ച ഇനങ്ങൾ നമുക്കുണ്ട്. അവയിൽ ഭൗമ സൂചികാ പദവി കരഗതമായ അഞ്ചിനം വാഴകളെ കുറിച്ചാണ് ഈ ലേഖനം

-
Image
ഭാരതത്തിലെ ഭൗമ സൂചികാങ്കിത വാഴപ്പഴങ്ങൾ.   ലോകത്ത് ഏറ്റവും കൂടുതൽ വാഴപ്പഴം ഉൽപ്പാദിപ്പിക്കുന്നത് മറ്റാരുമല്ല, നമ്മൾ തന്നെ. 30 ദശലക്ഷം ടൺ. രണ്ടാം സ്ഥാനത്തുള്ള ചൈനയൊക്കെ ബഹുദൂരം പിന്നിൽ ആണ്.  ഏഷ്യ, ആഫ്രിക്ക, ലാറ്റിൻ അമേരിക്ക എന്നീ വന്കരകളിൽ ആണ് വാഴകൃഷി കേന്ദ്രീകരിച്ചിരിക്കുന്നത്.  വൈവിധ്യപൂര്ണമായ വാഴയിനങ്ങൾ കൊണ്ട് സമ്പുഷ്ടമാണ് ഇന്ത്യ. ഓരോ ദേശത്തിനും കാലാവസ്ഥയ്ക്കും മണ്ണിനും യോജിച്ച ഇനങ്ങൾ നമുക്കുണ്ട്. അവയിൽ ഭൗമ സൂചികാ പദവി കരഗതമായ അഞ്ചിനം വാഴകളെ കുറിച്ചാണ് ഈ ലേഖനം  1.ചങ്ങാലിക്കോടൻ  കൈരളിയുടെ സ്വന്തം കാഴ്ചക്കുല. മച്ചാട് മലയിൽ നിന്നുത്ഭവിക്കുന്ന വടക്കാഞ്ചേരി പുഴയുടെ എക്കൽ അടിഞ്ഞ തലപ്പിള്ളി താലൂക്കിന്റെ ഭാഗങ്ങളായ ചെങ്ങഴിക്കോട്, മുണ്ടത്തിക്കോട്, കോട്ടപ്പുറം, വേലൂർ, പൂത്തുരുത്തി, എരുമപ്പെട്ടി, നെല്ലുവായ്, കരിയന്നൂർ, കടങ്ങോട് എന്നീ പ്രദേശങ്ങളിൽ പാരമ്പരാഗതമായി കൃഷി ചെയ്തു വരുന്ന നേന്ത്രൻ ഇനം. ഉരുണ്ട് ഏണുകളില്ലാത്ത നീണ്ട മഞ്ഞയിൽ ചുവപ്പ് രാശിയുള്ള കായ്കൾ. ജൈവ രീതിയോട് ആഭിമുഖ്യം പുലർത്തുന്നു. പടലകൾ വിരിഞ്ഞു കഴിഞ്ഞാലും കൂമ്പ് ( കുടപ്പൻ) ഒടിച്ചു കളയാതെ നിർത്തുന്നു....
Read more

ജെറുസലേമിൽ നിന്ന് അപൂർവ രത്നം; കണ്ടെത്തിയത് ബൈബിളിൽ പ്രതിപാദിച്ച മരത്തിന്റെ ചിത്രത്തോടെ!

-
Image
Image Credit: City of David പര്യവേഷണം നടത്തുന്നതിനിടെ ജറുസലേമിൽ നിന്നും കണ്ടെത്തിയത് അപൂർവ വൈഡൂര്യ കല്ല്. കണ്ടെത്തിയ രത്നത്തിന് രണ്ടായിരം വർഷത്തിലേറെ പഴക്കമുണ്ടെന്നാണ് കണക്കാക്കുന്നത്. ബൈബിളിൽ പ്രതിപാദിച്ചിട്ടുള്ള ബാൽസം മരത്തിന്റെ ചിത്രം രത്നത്തിൽ കൊത്തിവച്ചിട്ടുള്ളതായും കണ്ടെത്തി.  സിറ്റി ഓഫ് ഡേവിഡ് ഫൗണ്ടേഷനിലെ വിദഗ്ധരാണ് എമക് സൂരിം നാഷണൽ പാർക്കിൽ നിന്നും ദീർഘവൃത്താകൃതിയിലുള്ള രത്നം കണ്ടെടുത്തത്. രത്നം മോതിരമായി ഉപയോഗിക്കുന്നതിനുവേണ്ടി അതിൽ മെറ്റൽ വയർ കടത്താനാവുന്ന തരത്തിൽ ചെറിയ സുഷിരവും ഇട്ടിട്ടുണ്ട്. എട്ടര സെന്റിമീറ്ററിനടുത്ത് മാത്രമാണ് രത്നത്തിന്റെ വലുപ്പം.  അഞ്ച് പഴങ്ങൾ കായ്ച്ചുനിൽക്കുന്ന ശിഖരത്തിൽ പക്ഷി ഇരിക്കുന്ന തരത്തിലാണ് ചിത്രം കൊത്തിവച്ചിട്ടുള്ളത്. ഈ ചിത്രം തന്നെയാണ് കണ്ടെത്തിയ രത്നത്തെ വേറിട്ടുനിർത്തുന്നത്. കാരണം ലോകത്തിൽ ആദ്യമായാണ് ബൽസം മരത്തിന്റെ ചിത്രം എവിടെയെങ്കിലും കൊത്തിവച്ചിട്ടുള്ളതായി കണ്ടെത്തുന്നത്. ഇസ്രയേലിൽ   കണ്ടെത്തിയിട്ടുള്ള പുരാതന വസ്തുക്കളിൽ ഈന്തപ്പനകളുടെയും  ഒലിവ് മരങ്ങളുടെയുമൊക്കെ ചിത്രങ്ങളാണ് സാധാരണയായി ആലേഖനം ചെയ്തിരിക്കുന്നതായി ക...
Read more

ആർക്കും പിടികൊടുക്കാത്ത ‘ജാക്കിച്ചാൻ’; പശ്ചിമഘട്ടത്തിൽ കണ്ടെത്തിയ പുതിയ പല്ലി!

-
Image
Image Credit:zoological research       പശ്ചിമഘട്ടത്തിൽ കഴിഞ്ഞ ദിവസം സർവേ നടത്തുകയായിരുന്നു ബോംബെ നാച്ചുറൽ ഹിസ്റ്ററി സൊസൈറ്റിയിലെ ഗവേഷകർ. അപ്പോഴാണ് അവരുടെ ശ്രദ്ധ ഒരു പുതിയ ഇനം പല്ലിയിൽ ചെന്നു പതിച്ചത്. ഗവേഷകർ പിടിക്കാൻ നോക്കിയപ്പോഴൊക്കെ പല്ലി പാറക്കെട്ടുകളിൽ നിന്നു പാറക്കെട്ടുകളിലേക്ക് ഒരു കരാട്ടെ അഭ്യാസിയുടെ മെയ് വഴക്കത്തോടെ ചാടിമറഞ്ഞു. പിടിക്കാനെത്തിയവർ ഇളിഭ്യരായി. വീണ്ടും പിടികൂടാൻ ശ്രമിക്കവെ ഇതു ചാടി ചെറിയ ദ്വാരങ്ങളിൽ ഒളിച്ച് പിടിയിൽ നിന്നു രക്ഷപ്പെട്ടു. ചൈനീസ് സിനിമാതാരവും ആയോധനകലയിലെ അഗ്രഗണ്യനുമായ ജാക്കിച്ചാനെ അനുസ്മരിപ്പിക്കുന്ന സ്റ്റണ്ടുകൾ നടത്തുന്ന ഈ പല്ലിക്കുട്ടന് ജാക്കിച്ചാന്റെ പേരിൽ തന്നെ ഗവേഷകർ നാമകരണം നടത്തി. നെമാസ്പിസ് ജാക്കി എന്നു ശാസ്ത്രനാമവും ജാക്കീസ് ഡേ ഗെക്കോ എന്നു പൊതുനാമവും. ജാക്കി ഉൾപ്പെടെ 12 പുതിയ ഇനം മലമ്പല്ലികളെയാണ് ഗവേഷകർ പശ്ചിമഘട്ടത്തിൽ നിന്നു കണ്ടെത്തിയത്. ഇതിനെക്കുറിച്ചുള്ള വിവരങ്ങൾ സൂവോളജിക്കൽ റിസർച് എന്ന ജേണലിൽ പ്രസിദ്ധീകരിച്ചു. ഇത്തരത്തിൽ ജനപ്രിയമായ പേരുകൾ പുതുതായി കണ്ടെത്തുന്ന ജന്തുവിഭാഗങ്ങൾക്കു നൽകുന്നത് അവയെക്കുറിച്ചുള്ള അവബോധം കൂട്ടുമെന...
Read more